ع فكرة جور الأهل وجهلهم التربوي هو اللي بيدفع الابن لسلوك مسارات شاذة عن الطبيعة الفطرية!يعني لولا جاهلية كره البنات مابظن كان ممكن تظهر النسوية والفيمينست!
استخدام الولد لتحقيق حلمك الشخصي رغما عنه هو السبب في طفش الشباب من بيوت أهاليهم وانعزالهم عنهم!
وبالأخير بيسموهم (ابن عاق)
لولا الجهل والجور ماكان أكتر فكر مسيطر عالفكر (كيف أقدر أهرب وأعيش لوحدي) !!
لولا الجهل والتخلف في اتخاذ قرارات تمس البنت بشكل شخصي بحتي!
ماكانت البنت تنتهز أول فرصة وتنفد بجلدها
ك الزواج القهري بدون أدنى صورة لموافقة البنت!
وحقها في التعليم واختيار المجال اللي بتريده!
والختان!
وفرض الدين بالعنف!
والله الدين بريء تماماً من كل هالإفتراء والتخلف والجهل!
بالعكس الدين أجا ليحطم صنم آلهة الوالدين!
لو كان طاعة الوالدين من الدين
ماكان الفرد هيتحاسب عن نفسه بالقرارات اللي عملها وهو بالغ راشد!
بس الأهل اللي يتحاسبو!
هاد المنطق وهاد العدل صح ولا لأ؟!!
﴿يَومَ يَفِرُّ المَرءُ مِن أَخيهِ
وَأُمِّهِ وَأَبيهِ
وَصاحِبَتِهِ وَبَنيهِ
لِكُلِّ امرِئٍ مِنهُم يَومَئِذٍ شَأنٌ يُغنيهِ﴾
[عبس: ٣٤-٣٧]
لو الفرد ماأدرك قبل فوات الأوان إنو مسؤول عن أعماله مسؤولية تامة، هيندم يوم القيامة وماهيكون للندم جدوى!
ربك أعطاك عقل وفكر وأعطاك منهج ودين وقال في الدين شو تعمل وشو ماتعمل
وبالأخير تختار تطيع أهلك وتقول رضا الله من رضا الوالدين وأنا طالب رضا الله ؟!!
يَومَ تُقَلَّبُ وُجوهُهُم فِي النّارِ يَقولونَ يا لَيتَنا أَطَعنَا اللَّهَ وَأَطَعنَا الرَّسولا
وَقالوا رَبَّنا إِنّا أَطَعنا سادَتَنا وَكُبَراءَنا فَأَضَلّونَا السَّبيلا
رَبَّنا آتِهِم ضِعفَينِ مِنَ العَذابِ وَالعَنهُم لَعنًا كَبيرًا
[الأحزاب]
والله والله التبعية العمياء لأي كائن لن تكون شافع لذنبك يوم القيامة عند الله!
تبعية الأهل، والمجتمع، والحاكم، والناس
أنت مسؤول مسؤولية تامَّة عن اعتقادك وعن أعمالك وعن فكرك
إنت هتقف (((وحدك))) يوم القيامة تواجه أعمالك أمام الله!!
ومارح يكون عذر (طاعة الوالدين) مقبول عند الله!!!
﴿يا أَيُّهَا النّاسُ اتَّقوا رَبَّكُم
وَاخشَوا يَومًا لا يَجزي والِدٌ عَن وَلَدِهِ
وَلا مَولودٌ هُوَ جازٍ عَن والِدِهِ شَيئًا
إِنَّ وَعدَ اللَّهِ حَقٌّ
فَلا تَغُرَّنَّكُمُ الحَياةُ الدُّنيا
وَلا يَغُرَّنَّكُم بِاللَّهِ الغَرورُ﴾
[لقمان: ٣٣]
﴿وَبَرًّا بِوالِدَيهِ وَلَم يَكُن جَبّارًا عَصِيًّا﴾ [مريم: ١٤]
﴿وَبَرًّا بِوالِدَتي وَلَم يَجعَلني جَبّارًا شَقِيًّا﴾ [مريم: ٣٢]
#تدبر
والله بدون مبالغة أعرفهم معرفة شخصية أشخاص ألحدو بسبب تعسف أهلهم وجهلهم وتبرير مظالمهم بحجة الدين والله والشرع!والله الأهالي إلا من رحم ربي مُحتاجة يتم إعادة تأهيلها
قبل مايجيبو أجيال ويورثولها هالتخلف والجهل والعقد والأمراض النفسية
لأنو هالأهالي كانو آبناء لهيك أهل بيوم من الأيام!
ع فكرة لوي الدراع اللي بيستخدموه الأهل ليجبرو ولادهم ع طاعتهم، من حقهم وهيتحاسبو الأهل يوم القيامة!
إذا كانو الكذب عالطفل مُسجل!
هالشي ماهيتسجل يعني!!
والله العظيم الأهالي بيعملو ندوب بأرواح أولاد مابتروح مهما مضى عليها الزمن!
والله العظيم الأهالي سبب رئيسي في توجه فئة كبيرة من البشر للأفكار الانتحارية وأذية النفس!
والله كل المشاكل الاجتماعية الموجودة سببها الأهالي!
الأهالي كانو محتاجين إعادة تأهيل ليصيرو أسوياء ويتعافو من الجهل!
يتعافو من جهل أهاليهم المورث بالتبعية والجهل العقيم المقيم تحت بند العادات والتقاليد!
نحن بزمن واعيين ومدركين لجهلهم وانحرافهم عن الفطرة،بس روح #صنم_الوالدين اللي فيهم بيخليهم يتمادو ويكابرو بأغلاطهم الجسيمة بأبسط حق من حقوق أولادهم
ومفكرين إنهم معهم الكرت الأخضر ليعملو شو مابدهم!!
بالمناسبة هالفديو بحب الكل يشوفه
المشكلة الأساسية إنو الأب والأم مجرد مابيخلفو بيفكرو إنهم امتلكو هالولد، وانو صار عبد مملوك عندهم،تحت طوعهم كيف ماشاؤو، ومابيحقله يحكي أو يعترض!
دوما منتظرين منه(سمعاً وطاعاً) واذا ماحكى هالكلمتين بتقيم عليه القيامة وياعاق ياقليل الرباية لك أنا أمك ولاك أنا أبوك تطيعني بدون تفكير!!
ورب الكعبة سماحة أخلاقك ولادك أولى فيها من بقية الناس اللي بتتعامل معهم!
الزيادة المالية ولادك أولى فيها تبحبح عليهم وتوسع عليهم!
التماس الأعذار والصبر عالأذية والتغافل ولادك أولى فيه من مديرك وزميلك وجارك ورفيقك!
الجديد والطيب والشهي سواء ملبس أو مأكل ولادك أولى فيها من الضيف العابر!
بر أولادك وأحسن إليهم، حتى يبروك عن حُب وطيب خاطر، مو يبروك عن تهديد ووعيد وخوف من غضب رب العالمين!
وشتان بين بر المحبة الخالصة النابعة من القلب، وبين بر المفروض بسبب الدين أو العرف!
((خيركم خيركم لأهله، وأنا خيركم لأهلي))
والله اخلاقك مابيشهد حقيقتها غير أهلك
هنن أدرى الناس فيها!
إذا كنت مفكر إنو هدول ولادك مارح تتحاسب على خاطرهم لو جرحته، بتكون غلطان يامحترم، يمكن أذية خاطر ولادك أعظم عند الله من أذية خاطر العابر والغريب، وإنك تتمالك لسانك وتتمالك غضبك ولادك أولى، مو عصبيتك وقرفك لأهل بيتك، وروقانك وحلاوة أخلاقك للناس اللي برا!
اتق ربك وبطل هالنفاق السيء
احترم رغبة ابنك
احترم خصوصيته
ماتغصبه ع شي
احتويه دوما، كون حنون عليه
عطيه الأمان
ماتخلي حب مرهون ومشروط بطاعته التعسفية القهرية إلك
خليه يحبك ويحب وجودك ويحب قعدتك وجيتك
مو يهرب ويخاف ويتحاشى انو يشوفك
الكلام للأب والأم
وبمجتمعنا الاتنين أسوأ من بعض في الجور عالأولاد وامتلاكهم!!
بالمناسبة ربنا في القرآن قال ﷽ [وقل ربِّي ارحمهما "كما ربياني" صغيرا]
يعني حتى الدعاء للوالدين كان مقرون بالفضل اللي عملوه!
فمابالكم بأهالي مريضة نفسياً عم تتفنن كيف تملى هالولد كتل عقد وأمراض نفسية؟!
يارب ينكسر #صنم_الوالدين
مو معنى إنَّك قدرت تخلف يعني إنت صالح لتربي!
لأ أبداً، يعني لا مؤاخذة العملية التناسلية موجودة بين جميع إناث وذكور الكائنات الحية!
فيؤسفني إني خبرك إنو هالشي ماعطاك ميزة يعني!
اتقوا الله في أولادكم والله هدول أمانة في رقابكم!
هدول مسؤولية عظيمة لتتحاسبوا عنهم يوم القيامة!
